تقدر تطلع الكلمة الغلط وتصححها؟

في المشهد دا بيتر بيقول لحماه المستقبلي إن لويس بالنسبة له (worthless). المشكلة هي إن الكلمة دي معناها "ملهاش قيمة". الصح هو إنه كان المفروض يقول حاجة زي (no amount of money will ever replace her).

الفرق بين overlook و oversee

بعض الكلمات في الإنجليزي بيكون ليها نفس المعنى أو معاني قريبة لبعض، لكن مجرد مابنضيف مقطع جديد ليهم المعاني دي بتتغير تماما. يعني الكلمتين دول بيكون بمعنى يرى أو ينظر ليكن لما بنضيف ليهم (over) بيقى معنى (overlook) "يتغاضى عن" أو "لم يلاحظ"، في حين إن (oversee) بيبقى معناها "يُشرف على".

إيه هي ال homonyms؟

بيقابلك كلمات في الإنجليزي ليها نفس النطق بس بكتابة ومعاني مختلفة؟ اتفرج على الفيديو دا عشان تفهم أكتر.

إيه هي ال homographs؟

بيقابلك كلمات في الإنجليزي ليها نفس النطق والكتابة بس كل مرة ليهم معنى مختلف؟ اتفرج على الفيديو دا عشان تفهم أكتر.

اتعلم كلمات انجليزي من أسماء المشاهير

عارف إنك ممكن تتعلم كلمات إنجليزي جديدة بمجرد انك تعرف أسماء مشاهير أجانب؟

طبعا دا مش معناه إننا نترجم أسماؤهم للعربي لأن دا مش صح، لكن دا ميمنعش إننا نعرف معناهم بالعربي.

الفرق بين المعنى الحرفي والمعنى الضمني

في كلمات كتير في الانجليزي بتكون مختلفة بيكون ليها نفس المعنى الحرفي لكن معناها الضمني والثقافي واللي احنا فعلا بنستخدمه واحنا بنتكلم بيكون مختلف على حسب الموقف والسياق. اتفرج على الفيديو دا عشان تفهم أكتر.

إيه هي ال homophones؟

بيقابلك كلمات في الإنجليزي ليها نفس النطق بس ليهم معاني و طرق كتابة مختلفة؟ اتفرج على الفيديو دا عشان تفهم أكتر.

إمتى نستخدم a و an؟

اتفرج على الفيديو دا عشان تعرف إزاي تستخدم أدوات التنكير، a و an.

إمتى نستخدم the؟

اتفرج على الفيديو دا عشان تعرف إزاي تستخدم أداة التعريف، the.

إمتى منستخدمش a/an/the؟

اتفرج على الفيديو دا عشان تعرف إمتى متستخدمش a/an/the.

بدائل لـ I think... d

عايز تعلي مستواك في الإنجليزي شوية؟
جرب تستخدم الـ phrases دي بدل "I think...d".

بدائل لـ very... d

عايز تعلي مستواك في الإنجليزي شوية؟
جرب تستخدم الكلمات دي بدل "very...d".

تعرف إن "I" ممكن ييجي بعده "is" في حالات معينة؟

كلنا عارفين إن "I" بيجي بعدها "am"، ولكن في حالات ممكن نستخدم فيها "is" بعد "I" وهم:-

1. في الحالة اللي في الفيديو، هو كان عايز يقول "I is the 9th letter of the English alphabet." وهنا هو كان عايز يستخدم "I" ككلمة مش كضمير، عشان كدا ينفع نستخدمها مع "is" في الحالة دي. وكمثال تاني عليها، ممكن نقول:

"I" is a pronoun.

"I" is one of the shortest words in the English language.

2. في المعادلات الرياضية والفيزيائية، فزي ما إحنا بنستخدم حروف زي س و ص، هم برضه بيستخدموا حروف زي X و I. فمثلا:

"If I is the electrical current, then..."

3. بعض اللهجات أو اللكنات الغير منتشرة في الإنجليزي واللي بتكون موجودة في مناطق جغرافية معينة فقط زي أجزاء من بريطانيا أو جامايكا.

4. الترجمة الحرفية لبعض النصوص الأدبية القديمة من لغات مختلفة للغة الإنجليزية.

صفحاتنا على مواقع التواصل الاجتماعي

تواصل معنا

contact@englishxpeg.com

Coming soon

2026 ,EnglishXP© جميع الحقوق محفوظة